عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا او التسجيل ان لم تكن عضو وترغب في الانضمام الي اسرة المنتدي سنتشرف بتسجيلك شكرا ادارة المنتدي
منتديات السهام الاسلاميه
منتديات السهام الاسلاميه
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا او التسجيل ان لم تكن عضو وترغب في الانضمام الي اسرة المنتدي سنتشرف بتسجيلك شكرا ادارة المنتدي
منتديات السهام الاسلاميه
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
حلم استخارة السلام عليكم ورحمة الله وبركاته عندي امر طارئ احتاج منك تفسر لي ياشيخ وليد : انا قبل شهرونص اتقدملي عريسين فنفس اليوم بالتلفون : الاول اتاخرو فالرد الاول بعيد عن اهلي ولذلك كنت مترددة فالمواففة عليه والثاني ساكن فنفس المدينة وكنت اريده فبعد علمي بالخطبة من نفس اليوم استخرت وصليت وتر ونمت على وضوء هذا قبل شهرونص او شهرين
اترأيت كاني كنت اتسوق او اتمشى في حديقة انا واختي الصغيرة ودخلت سوق كبير وكان يلاحقني شباب غير معروف عددهم وهيئتهم فما اهتميت لا انا ولا اختي وكملنا مشي فكأني اسمع احد يناديني او يوقفني مااعتبرت الى ان جائني واحد وقف عندي كان شاب اسمر وشعره طويل فالمرة الاولى مشيت ولم اكلمه فجا مرة ثانية وطلب ان يساعدني او اكلمه يعطيني رقمه ماكلمته ايضا فالمرة الثالثة صرخت فيه وقلتله ماابغة وراح فحاله كملت مشي وكنت حاسة في احد ثاني يتبعني فدخلنا انا واختي في مكان فالحديقة كله اقفاص فيها حيوانات واكثر ماجات عيني عليه الزواحف يعني سحالي وتماسيح ومنه لاحواض سمك كبيرة وواحد من الاحواض كان فيه سمكة برأس منشار طالع منقارها او منشارها من الحوض وبيخر الحوض من جهتها وعديت من جنبها وكنت قريب ان تجرحني لكن الحمدالله ماجرحتني وبعدين اتخبيت فبيت من الشاب الاخر الي بيلاحقني ودخلت صالة البيت وكان فيه كنبه ولقيت الشاب الي كان بيلاحقني فيها صورته على هيئة صدام حسين ملك العراق سابقا الاضاءة كانت حمرة وكان يريدني يتمكن مني فكان باب البيت مفتوح فهربت منه فخرجت برى البيت وصرت انادي على اختي الصغيرة واقول اسمى ماخرجت نسيتها وكدا فجأت اسمى لعندي وقالت لي ياهناء اعطاني شئ لك او نسيتي شئ عنده فاعطتني كوتيكس زي المنديل فيه دم وفيه حبة علاج كانها خرجت مع الدم وانتهت الرؤيا ..
الي مرت تقريبا شهرين اتقدموا لي غيرهم 2 عرسان لكن هذولا الانسب لي يعني صارو 4 خطاب جايني فالشهرين الي فاتو..
وامس حلمت رؤيا جديده خطيبي الي ساكن فمدينتنا اسمه فراس كنت حائض في اخر يوم وماعليه صلاة ونمت بعد الفجروصحيت عالعصر وقبل مااصحى كانت بطني توجعني
حلمت اني في سوق فالشارع يعني بسطة وراعيتها امراءة باكستانية متحجبة وتبيع خضار واعشاب فكنت اتكلم معاها وحكت لي عن نفسها قالت لي انا اقبح بنت فاخواتي واخواتي كلهم جميلات اهلي كانوا يخافوا عليهم ومايخرجوهم من البيت وانا الي باصرف عليهم وانا اطيبهم لكني تعبانه ومريضة ومالي قدرة عالشغل فاخذتها معايه البيت ودخلتها صالتنا وفرشت لها فراش واعطيتها بطانيه ومخدة وانسدحت وجبت لها كاسة ماء بارد فاستجبرت مني فرحت يعني وقالت لي انتي من ايش ماذا تشتكي وانا كنت قاعدة بجنبها فحطت يدها على بطني وضغطت عليها من السرة وقالت لي من هنا تشتكي للاسفل ووصفت لي وصفة عبارة عن زيت زيتون وزنجبيل وثوم قالت سخنيه واقري عليه واتمرخي فيه وقالت انه انا كنت حاطة ذهب من السرة لاسفلها عشان كدا اتوجع ؟! مادري ليش كدا قالت فالحلم فبعد ما خلصت كلامها رأيت فراس خطيبي كأنه كان معايه بجانبي وقالي فهمتي انت من ايش تشكتي منه وكيف تتشافي منه خلاص وابتسم ليه فالرؤيا وفرحت برؤيته فالحلم وانتهت الرؤيا .. كنت فعلا حاسة بألم من السرة للاسفلها
الاسم : هناء المدينة : المدينة المنورة العمر : 21 طالبة جامعية لكن ماتخرجت سنة ثالثة الحالة الاجتماعية : أنسة الخطيب الاول : ياسر يسكن بعيد الخطيب الثاني : فراس يسكن فالمدينة ابي متوفي وساكنه مع امي واخواتي واخواني
ايضا اترأيت رؤيا قبل اسبوعين اترأيت شعري كثير واسود وبافرق فخصله بامشطه وصار يتساقط منه قمل صغير اسود وبني وانا افقصه اقتله وبينما انا افرق شعري اتحسست على حبة فراسي زي الدمل وفقعتها وطلع منها دم وصديد ابيض ولقيت ثانية بجنبها بعيد شوية عن الاولى وايضا دمل فراسي وفقعتها وطلع منها دم وصديد وانتهت الرؤيا لكنها كانت سريعة زي اللمحة .. وكنت متوضية قبلها ومستخيرة ومصلية الوتر
جزاك الله خير ياشيخ بالله عليك انا محتارة فقراري وكل ماقررت يحصل شئ امس رفضت الي ساكن بعيد لان امي قالت لي ولان انا مابغة ابعد عن اهلي .. فتفسيرك الله اعلم بيوضح لي القرار ومع مين لان طول الموضوع وانا كل شوية باستخير وبادعي وباقراء سورة البقرة طوال الشهرين الي مرو
الحلم الاول: دل على كثرة خطابك وهروبك منهم دل على رفضك وعلى قلقك منهم والشاب الذى على هيئة صدام حسين هو رجل ذو قيمه ووقار وذو سلطه والمنديل الذى عليه الدم هي الهدايا القيمه او مال .
الحلم الثاني:
اذا كنتي فعلا تشتكين من الم في بطنك فهذه الرؤيا فيها علاج لكى وايضا الشاب الذى كان بجوارك فعلا هو الانسب لكي.
الحلم الثالث:
دل على الراحه من التفكير والهموم وعلى السعاده والمال
بالنسبه لانشغالك بالعرسان فاختاري من تحسين براحه اتجاهه . ونسال الله ان يرزقك بالزوج الصالح
جزاك الله خير ووفقك دنيا واخرة ياشيخ لكن المراءة الباكستانية ؟! على ماذا تدل ؟! عالعموم الحمدالله على ماكتب لي والله يجعل لي مافيه خير الله يجزاك الجنة ويكثر من امثالك ..
السلام عليكم ياشيخ وددت ان اعلمك بالي صار : خطيبي الاول فراس ما رد علينا مع انه اخوي اتصل عليه وسأله اذا هو راغب فينا لان انخطبت لغيره فقال اعطوني مهلة ومارد ، والي ساكن بعيد ياسر بعد مارفضته رجع وسط ناس وحسن من وظيفته لكي اوافق عليه وقال بيوديني لاهلي كل شهر اذا اتزوجني ووافقت ففترة ماكنت رافضته قبل لايوسط ناس بيننا اترأيت رؤيا : وكانت تقريبا قبل شهر من الان على قبل صلاة الظهر : اترأيت وكأننا في تمشية انا واهلي او استراحة على طريق فالبر وكان خلى في مدينة حائل وكان فيه باب للاستراحة او المكان الي كنا قاعدين فيه امامه مباشرة ماء خفيف يجري "سيل" او جدول فكان وقت رجعتنا للبيت خلصنا تمشيتنا وبنشيل الاغراض وكان عندي صندلين "حذائين " امام عيني علاساس البسهم وماادعس فالطين والماء واحد دخلت رجلي فيه لقيته كبير تتزحلق رجلي منه والثاني كان صغير ماتدخل رجلي فيه مزبوط فدخلتهم الصغير فوسط الكبير عشان اسرع لان اهلي فالسيارة ومستعجلين لاني اخرتهم ودخلت رجلي فيهم مادخلت فقمت خليتهم تركتهم وكان فيدين الاثنين اكياس حاملتها مامداني اشيل الصنادل حقتي فقلت لاختي خلود شيلهم وانا بروح السيارة لا أاخرهم الي هم اخواني فالسيارة ومشيت حافية ودعست فالماء والطين ورحت السيارة وانتهت الرؤيا ..
فالي صار بعدها بشهر انه الاوراق والمحكمة ماوافقوا للخطيب الثاني ياسر للزواج وهو قدم خطاب يحتمل الرفض والايجاب بعد تعب ومرمرطة واحتمال الحكومة "تمنع الزواج فحالتي وحالته "مايوافقوا للان ماجا الرد لكن[size=43] انا املي فالله كبير وارجو منك تبشرني بالخير ان كانت الرؤيا تدل عليه [/size] واعتذر عن الاطالة وجزاك الله خير عني واريد ماستعين به على قضاء حوائجي من دعاء ونصح ووعظ لان اكيد ان هذا بلاء واختبار لصبري وتعلقي بالله وحكمه له سبحانه وقضاءه وقدره لكن الدعاء يغير القدر والصدقة والحمدالله على كل حال
الحلم دل على تعثرك في بعض الامور وخروجك من شدتك باذن الله تعالي
اما بخصوص الخاطب كما قلتي املك في الله كبير
اما بخصوص االادعيه فقولي "اللهم انى أعوذ بك من بواري وتأخر زواجي وبطئه وقعودي واسالك أن ترزقنى خيراً مما استحق من الزوج ومما آمل وان تقنعه وأهله بى وتقنعني واهلى به"
السلام عليكم ورحمة الله وبركاته ياشيخ اريد تفسير هذه الرؤيا : حلمت ان شعر طويل وكثيف ومنسدل يعني مفرود وكنت اتمشى فمكان جميل كان فيه نهر وفجاءة حطيت يدي عليه املسه الا طاحت خصلة من شعري من قدام فيدي فلفيتها من الوسط على بعضها ورميتها فالنهر وانتهت الرؤيا
الله يعطيك العافية ويجزاك الجنة ابشرك الحمدالله اتسهلت الامور وافق الاميرلي عالزواج الحمدالله شكرا لك ياشيخ والله يوفقك لما فيه الخير والصلاح لك وللجميع المسلمين
السلام عليكم ورحمة الله وبركاته قبل يومين حلمت برؤيا : امي وانا رحنا السوق ورجعنا على رجعتنا للبيت دخلنا ولقيت امي شارية فستانين واحد حقي وواحد حق اختي الكبيرة نعيمه (مطلقه) وكل واحد فيهم شفاق ولونه بمبي وابيض حق اختي كان مشغول بالخرز مطرز يعني وحقي لاء اخذت اختي فستاني وجربته وماجا عليها فرجعت اعطتني هو ورحت اوريه لامي فالصالة اقلها صح هذا حقي فجاءة صار مررة الفستان فخم ومطرز غير الي كنت شايلته اول وكنت اقول قنفسي فالحلم شفاف ماقدر البسه كدا لازم تحته بطانه .. وفالحلم كأننا كنا نستعد لمناسبة قريبة او ملكة ..
وايضا حلمت بحلم اني اشتكي لامي من اختي وبنتها وانهم جوني خاطبينني وماابغة ام زوج اختي تدري بالخطبة وانه بنت اختي قالت لجدتها فقلت لامي فالحلم وانا ابكي انه سارة طلعت اخبارنا لخالتي نور وانتهت الرؤيا ..
ابشرك ياشيخ اني عقدت على ياسر ومرتاحة له ولله الحمد الله يتمم لي اموري على خير ... ادعيلي ياشيخ بالتوفيق والبركة وصلاح الحال ..
وهذي الرؤيا اختي حلمتها لي بعد العقد بيومين . اختي الكبيرة نعيمة "مطلقة" وعمرها 30 وعندها ولد وموظفة معلمة تحفيظ قراءن - رأت في منامها قبل اسبوع بعد صلاة الفجر : انه جاءت اختنا الكبيرة جميلة ومعها عقد او كأنه وصية والكل لابس عباءة ومتغطي ماعداها مغطية راسها بسجادة ومعها رجل دين ملتحي يكتب العقد وقالت لنعيمه اختها لاتتغطي انتي عادي مو لازم .. اتغير الحلم وجيت انا هناء علاساس باروح اشتري ذهب واخذت معايا شغالة عشان نختار وننقي الذهب قامت نعيمة تبغا ترافقني والا انا اقلها لا انا ابغة الشغالة ... وانتهت الرؤيا
واليوم فالعصر حلمت انه دخلت الحمام ولقت فيران صغيرة بيضا فالطشت "وعاء غسيل" وسكبت عليهم ماء ورجعت غطتهم بغطاء الطشت وماتدري اذا ماتو كانت شايلة همهم لكن انتهى الحلم ..